Атырау облысында вакцина салдырғандар саны 90 мыңнан асты
АТЫРАУ. ҚазАқпарат – Атырау облысында коронавирус инфекциясына қарсы вакцина салдырғандар саны 90 мыңнан асты, деп хабарлайды ҚазАқпарат.
Облыстық денсаулық сақтау басқармасы баспасөз қызметінің ақпаратына қарағанда, кеше, 2 шілдеде «Спутник V», «QazVac», «Нayat-Vax» вакциналарының I компонентін 3 177 адам салдырған.
Оның ішінде 185 дәрігер, 262 педагог, 53 студент, арнайы мекемелердің 61, құқық қорғау органдарының 11 қызметкері, 45 мемлекеттік қызметші, созылмалы сырқатқа шалдыққан 164 адам мен 2 396 тұрғын бар.
«Елімізде жаппай вакцинация басталған 1 ақпаннан 2 шілдеге дейін 90 730 атыраулық қауіпті вирусқа қарсы вакцинаның І компонентін салдырды. Вакцинаның II компонентін 50 343 адам ектірді», -деп хабарлады басқарманың баспасөз қызметі.
Еске сала кетелік, бұдан бұрын Атырау облысында бір күнде 2 183 адам вакцина алған еді.
