Атырау облысында вакцинаның екі компонентін 119 429 адам салдырды
АТЫРАУ. ҚазАқпарат – Атырау облысында вакцинаның екі компонентін 119 429 адам салдырды, деп хабарлайды ҚазАқпарат.
Облыстық денсаулық басқармасының мәліметіне қарағанда, 15 тамызда коронавирус инфекциясына қарсы вакцинасына І компонентін 593, ал, ІІ компонентті 466 адам ектірген.
«Биылғы 1 ақпан мен 15 тамыз аралығында 164 320 атыраулық вакциналардың I компонентін алды. Сондай-ақ, вакциналардың ІІ компонентін салдырғандар саны 119 429 адамға жетті» -деп мәлім етті басқарманың баспасөз қызметінен.
Еске сала кетелік, бұған дейін Теңіз кен орнында қызметкерлердің 92 пайызы вакцина салдырғанын хабарлаған болатынбыз.
