«Атырау Су Арнасының» басшысы 2 айға қамауға алынды
АТЫРАУ. ҚазАқпарат - №2 Атырау қалалық сотының тергеу судьясы «Атырау Су Арнасы» КМК директорына қатысты екі айға қамауда ұстау түріндегі бұлтартпау шарасын бекітті, деп хабарлайды «ҚазАқпарат» ХАА тілшісі.
«Тергеу нұсқасы бойынша, А.Т. (А. Ташлыков) ҚР ҚК 189-бабы 4-бөлімі 2-тармақшасында қарастырылған қылмысты, яғни жалған келісімшарт жасау арқылы сеніп тапсырылған бюджет қаржысын жымқырды деген күдік келтіруде», - деп хабарлады №2 Атырау қалалық сотының баспасөз қызметі.
Баспасөз қызметінің мәліметінше, судья кепілмен босату сомасын 68,07 млн теңге көлемінде белгілеген.
