Атырауда 47 жастағы ер адам Жайыққа батып кетті
АТЫРАУ. ҚазАқпарат – Атырауда 47 жастағы ер адам Жайыққа батып кетті, деп хабарлайды ҚазАқпарат.
Облыстық төтенше жағдайлар департаменті баспасөз қызметінің ақпаратына қарағанда, оқыс оқиға сағат 18:55 шамасында болған.
«Атырау қаласына таяу орналасқан Рыбник саяжайына бір адам демалуға келген. Олар Жайық жағалауына барып, суға түсуге тыйым салынған жерде шомылған. Суға түскендердің бірі – 1974 жылы туған азамат батып кетті» -деп хабарлады департаменттің баспасөз қызметі.
Жедел-құтқару жасағының құтқарушылары оқиға орнына келіп, іздестіру-құтқару жұмысын жүргізді. Сүңгуірлер судан сағат 19:15-те суға жігіттің денесін алып шыққан.
Еске сала кетелік, бұдан Атырау облысында жыл басынан бері 19 адам суға кеткенін хабарлаған болатынбыз.
