Атырауда 50-ден астам адам жиналған отбасылық іс-шара тоқтатылды

АТЫРАУ. ҚазАқпарат – Атырауда 50-ден астам адам жиналған отбасылық іс-шара тоқтатылды, деп хабарлайды ҚазАқпарат.

Атырау қалалық әкімдігі баспасөз қызметінің мәліметіне сүйенсек, 12 мониторинг тобы адамдар көп жиналатын мейрамхана мен дәмханаларды күн сайын тексереді.

«Мониторинг топтары соңғы үш күнде 100-ден астам орынды тексерді. Нәтижесінде «Royal Hall», «Император» мейрамханалары, «Café inn», «Foodline», «Ginza», «Аққайың» дәмханалары, «Sky» бары, «Wine Time», «Дөнерстан», «Neft street food» тамақтану орындары мен «БР-2» серуендеу кемесінде карантин шектеуі сақталмағаны анықталды. Ал, Алмалы ауылдық округінде 50-ден астам адам жиналған отбасылық іс-шара тоқтатылды», - деп хабарлады әкімдіктің баспасөз қызметі.

Еске сала кетелік, бұдан бұрын Атырау облысында көпшілік іс-шараларды өткізу тоқтатылатынын жазған болатынбыз.