Атырауда 6 жасар қыз дәретхана шұңқырына құлап қайтыс болған
АТЫРАУ. ҚазАқпарат –Атырау қаласында 6 жасар қыз жеке үйдің дәретхана шұңқырына құлап қайтыс болған, деп хабарлайды ҚазАқпарат.
Төтенше жағдайлар департаменті баспасөз қызметінің хабарлауынша, оқыс оқиға бүгін, 13 маусымда қаладағы «Қара депо» шағынауданында болған. Жергілікті уақытпен сағат 19:50 шамасында 6 жасар қыз үйінен ойнауға шығып кеткен. Алайда, оны туыстары таба алмай қалған.
«Іздестіру барысында 6 жасар қыздың жеке үйдің ауласындағы дәретхананың шұңқырына түсіп кеткені анықталды. Шұңқырдың тереңдігі – 2 метр. Баланың өлі денесі дәретхана шұңқырынан кешкі сағат 21:50-де шығарылды», деп хабарлады департаменттің баспасөз қызметі.
