Атырауда бір аптада айыппұлы төленбеген 42 көлік тұраққа қойылды
Облыстық полиция департаменті баспасөз қызметінің ақпаратына қарағанда, бір аптада қала аумағында айыппұлы төленбеген 42 автокөлік анықтаған.
Оның ішінде ресейлік - 36, Армения елінен әкелінген - 4 автокөлік болса, Қырғызстаннан жеткізілген 1 автокөлік бар.
Бұл көліктердің жүргізушілері жылдамдықты асыру, жол белгісі талаптарын орындамау, бағдаршамның тиым салынған түсінен өту қағидаларын бұзған.
Бұл деректер «Сергек» камералары арқылы дәлелденген.
«Мәселен, 20 шілде сағат 22:30 шамасында патрульдік полиция қызметкерлері 1990 жылғы азаматтың басқаруындағы «Мерседес» маркалы автокөлігі тоқтатқан. Тексеріс кезінде Арменияда тіркелген автокөлік жүргізушісінің 320 870 теңгені құрайтын 11 айыппұлы төленбегені анықталды», -дейді департамент бастығы, полиция полковнигі Қамза Үмбетқалиев.
Еске сала кетелік, бұдан бұрын Атырауда бір аптада 13 мас жүргізуші ұсталған болатын.