Атырауда дәмхананың шатыры жанып кетті
АТЫРАУ. ҚазАқпарат - Атырауда халық көп баратын дәмханалардың бірінің шатыры жанып кетті, деп хабарлайды «ҚазАқпарат» ХАА тілшісі.
«Залина» дәмханасындағы өрт туралы хабар түсе салысымен оқиға орнына 6 техника бірлігі мен жеке құрамның 37 адамы жіберілді. 200 шаршы метр аумақты қамтыған өртті өшіруге бір сағаттан артық уақыт жұмсалды. Тілсіз жау дер кезінде ауыздықталды, жалын маңайдағы ғимараттарды шарпыған жоқ», - деп хабарлады Атырау облыстық ТЖД-ның баспасөз қызметінен.
Өрттің себептері анықталу үстінде.
