17:15, 16 Шілде 2021 | GMT +6
Атырауда ер адам электр желісіне соғылып көз жұмды
АТЫРАУ. ҚазАқпарат – Атырауда ер адам электр желісіне соғылып көз жұмды, деп хабарлайды ҚазАқпарат.
Облыстық полиция департаменті баспасөз қызметінің мәліметінше, оқыс оқиға бүгін, 16 шілдеде сағат 13:26 шамасында болған.
«Атырау қаласының іргесіндегі ауылдық округтердің бірінде 1988 жылы туған ер адам тоққа түсіп, мерт болды» -деп хабарлады департаменттің баспасөз қызметі.
Қазір аталған дерекке қатысты сотқа дейінгі тергеу басталды.
Еске сала кетелік, бұдан бұрын жол апатынан бір адам мерт болып, бесеуі ауруханаға түскен еді.