Атырауда халықаралық іздеуде болған шетелдік азаматтар ұсталды
АТЫРАУ. ҚазАқпарат – Атырау қаласында халықаралық іздеуде болған шетелдік азаматтар ұсталды, деп хабарлайды ҚазАқпарат.
Атырау облыстық полиция департаменті баспасөз қызметінің хабарлауынша, шетел азаматтары «Іздеу» арнайы операциясының барысында анықталып, ұсталған. Олардың бірі – Өзбекстан елінің 38 жастағы азаматы Ресей Федерациясы Қылмыстық кодексі 160-бабының 4-бөлімі («Аса ірі көлемдегі өзгенің мүлігін иемдену») бойынша халықаралық іздеуде болған. Өзбекстан елінің тағы бір азаматы, 36 жастағы ер адам Өзбекстан Республикасы Қылмыстық кодексінің 165-бабы («Бопсалаушылық») бойынша іздестірілді.
Ұсталғандар туралы ақпарат ҚР Ішкі істер министрлігі, Ресей және Өзбекстанға жолданды.
