Атырауда көлік қаққан 63 жастағы кісі ауруханаға жеткізілді
АТЫРАУ. ҚазАқпарат – Атырауда көлік қаққан 63 жастағы ер адам ауруханаға жеткізілді, деп хабарлайды ҚазАқпарат.
Облыстық полиция департаментінің баспасөз қызметінен мәлім еткендей, жол-көлік оқиғасы бүгін, 15 ақпанда болған.
«Атырау қаласындағы С.Датов көшесінде сағат 20:00 шамасында «Mitsubishi Galant» маркалы жеңіл көлік жаяу жүргіншіні қағып кетті. Жаяу жүргіншінің жасы 63-те. Ол жаяу жүргіншілерге арналған жолақтан өтпек болған. Жеңіл көлікті 1998 жылғы жүргізуші басқарған. Көлік қаққан жүргінші жедел-жәрдем көлігімен ауруханаға жеткізілді», -деп хабарлады департаменттің баспасөз қызметі.
Қазір полиция қызметкерлері аталған жол-көлік оқиғасына байланысты тергеу амалдарын бастады.
Еске сала кетелік, бұған дейін Атырауда 14 жастағы жасөспірім қызды көлік қағып кеткенін жазған едік.
