Атырауда мотоцикл мінген жүргізуші КамАЗ-ға соғылып мерт болды

АТЫРАУ. ҚазАқпарат - Атырау қаласының маңындағы Еркінқала елдімекенінің маңында көлік апатынан кісі өлімі болды, деп хабарлайды ҚазАқпарат облыстық Полиция департаментінің баспасөз қызметіне сілтеме жасап.

«Көлік апаты 29 қаңтар күні сағат 18:30 шамасында Атырау қаласының маңындағы Еркінқала елдімекенінің маңында болған. Мотоцикл мен КамАз көлігі соқтығысып, оқиға орнында мотоцикл тізгіндеген жүргізуші қаза болды. Жүк көлігі блок артып келе жатқан» делінген облыстық Полиция департаментінің баспасөз қызметі таратқан мәліметте.

Қазіргі сәтте осы оқиғаға қатысты тергеу жүргізіліп жатыр.