Атырауда мүмкіндігі шектеулі 7 мың балаға жаңажылдық сыйлық беріліп жатыр
Жаңажылдық сыйлықты облыстық жұмыспен қамтуды үйлестіру және әлеуметтік бағдарламалар және білім басқармасы таратып жатыр.
«Халқымызда «Берсең, балаға бер» даналық сөз бар. Мұны баланы болашағына балаған халқымыз бекер айтпаған. Біздің мақсатымыз – балаларды қуанту. Оның ішінде ерекше қажеттілігі бар балаларды қуантып ғана қоймай, мемлекетіміздің оларды қолдаусыз қалдырмайтынын ұғындыру. Жаңа жыл қарсаңында облыс әкімі Махамбет
Досмұхамбетов өңірдегі мүгедектігі бар 7 мың балаға арнайы сыйлықтар беруді тапсырған еді. Сол сыйлықтарды ерекше балаларға үлестіре бастадық», - дейді облыстық жұмыспен қамтуды үйлестіру және әлеуметтік бағдарламалар басқармасының басшысы Азамат Мәмбетов.
Еске сала кетелік, бұған дейін Атырауда отбасы үлгісіндегі балалар ауылы ашылғанын хабарлаған болатынбыз.