Атырауда мұнай өнімдерімен ластанған аумақ тазартылады
АТЫРАУ. ҚазАқпарат – Атырау қаласында мұнай өнімдерімен ластанған бұрынғы «Ақжайық» жуу-булау станциясының аумағы тазартылады, деп хабарлайды ҚазАқпарат.
Облыстық экология департаменті баспасөз қызметінің мәліметінше, қазір станция аумағында арнайы техникамен тазалау жұмысы жүргізіліп жатыр.
«Қазақстан темір жолдары» АҚ өкілдері 1 наурызға дейін «Ақжайық» ЖБС аумағын мұнай өнімдерінен тазартып, ластанған топырақ пен қалдықтарды бетондалған бассейндерге жинап, кейін шығарады. Аталған мерзімге дейін станция аумағындағы атқарылып жатқан жұмыс қадағаланатын болады» - дейді департамент басшысы Әлібек Бекмұхамбетов.
Еске сала кетелік, бұдан бұрын Атырау облысының экологтары 5,1 млрд теңгені өндірген болатын.
