Атырауда суға батып кеткен жасөспірімнің мүрдесі табылды

АТЫРАУ. ҚазАқпарат - Атырау облысында бірнеше күн бұрын суға кеткен жасөспірімнің денесі бүгін табылды, деп хабарлайды ҚазАқпарат тілшісі.

«Жайық өзеніне 19 маусым күні батып кеткен 2003 жылғы жасөспірімнің денесі бүгін сағат 08-30-да судан шығарылды. Қайықтағы 2 құтқарушы көмегімен жергілікті тұрғындар жасөспірімді тауып алған. Оқиғаны көрген куәгерлердің айтуынша, жасөспірім суға түсуге тыйым салынған жерде батып кеткен», - деп хабарлады облыстық ТЖД баспасөз қызметінен.

Айта кету керек, Атырау облысында сейсенбі күні бірден екі адам - 8 жасар бала мен 15 жасөспірім суға кеткен болатын. Бүгін тек жасөспірімінің денесі табылды.