17:28, 07 Тамыз 2021 | GMT +6
Атырауда жансақтау бөлімінде коронавируспен жатқан науқастар саны көбейді
АТЫРАУ. ҚазАқпарат – Атырауда жансақтау бөлімінде коронавируспен жатқан науқастар саны көбейді. Қазір мұнда жағдайы ауыр 88 науқас емделіп жатыр, деп хабарлайды ҚазАқпарат.
Облыстық денсаулық сақтау басқармасының мәліметіне сүйенсек, инфекциялық стационарларда оқшауланған науқастар саны 1 807-ге жеткен.
«Стационарлардағы 3 012 төсек-орынның жүктемесі 59,9%-ды құрап отыр. Ал, 114 төсек-орны бар жансақтау бөлімінде коронавирус жұқтырып, жағдайы нашарлаған 88 науқас жатыр. Оның ішінде 8 пациент өкпені жасанды желдету аппаратына қосылған. Бұл бөлімнің жүктемесі 77,1%-ға жетті» - деп хабарлады басқарманың баспасөз қызметі.
Еске сала кетелік, бұдан бұрын Атырауда жансақтау бөлімінде жатқан 84 науқастың жағдайы ауыр екенін хабарлағанбыз.