Атырауда Жайық өзенінің жағалауы жанып жатыр
АТЫРАУ. ҚазАқпарат – Атырау қаласында тағы да Жайық өзенінің жағалауы жанып жатыр, деп хабарлайды ҚазАқпарат.
Облыстық төтенше жағдайларлар департаментінің баспасөз қызметі бұл деректі растады.
Жайық жағалауы маусым айы басталғалы бері 4 мәрте өртенді.
Департаменттің диспетчерлік пультіне бүгін, 24 маусымда жергілікті уақытпен сағат 11:14-те Жайық өзенінің жағалауы өртенгені туралы хабар түскен.
«Жайық өзенінің «Тұрғын үй қалашығы» шағынауданындағы жағалауында құрғақ бұталар мен қамыс қопасы өртенген. Қазір өрт сөндірушілер жалынды сөндіріп жатыр», -деп хабарлады департаменттің баспасөз қызметі.
Еске сала кетелік, бұдан бұрын Атырауда Жайық өзенінің жағалауы өртенген болатын.
