Атырауда журналистерге сайлау үдерісі туралы түсіндірме берілді
АТЫРАУ. 7 наурыз. ҚазАқпарат /Андрей Соколов/ - Атырауда «ҚР Президентінің кезектен тыс сайлауына дайындық және оны өткізу кезеңінде бұқаралық ақпарат құралдарының қызметін құқықтық үйлестіру» тақырыбына арналған семинар өтті.
Семинарға облыстық баспасөз және электрондық бұқаралық ақпарат құралдарының қызметкерлері қатысты. Атырау облыстық аумақтық сайлау комиссиясының өкілдері журналистерге алдағы сайлаудың мән-жайы туралы әңгімелеп берді. Сайлау туралы заңның баптары мен сайлауалды үгіт-насихат науқанын жүргізу жұмыстарына қатысты оған енгізілген өзгертулерге түсіндірме жасалды.
