Атыраудағы форум аясында қаланың бес тұрғынына Мәскеу хирургтері ота жасады
Халықаралық форумның ашылу салтанатында профессор, Қазақстанның оториноларингологтар қауымдастығының президенті Райс Төлебаев сөз сөйледі.
«Мемлекет басшысы Нұрсұлтан Назарбаев еліміздің денсаулық сақтау саласына үлкен көңіл бөледі. Мұны тәуелсіздік жылдарында салынған, заманауи жабдықтармен жарақтандырылған медициналық нысандар дәлелдейді. Елде міндетті медициналық сақтандыру, цифрландыру және ең озық медициналық технологияларды енгізу жұмыстары жүргізілуде. Қазақстанның оториноларингологтары Еуропаның және Ресейдің үздік клиникаларында білім алды. Мұндай форумдарды өткізу әртүрлі елдердің медициналық мамандарының тәжірибе алмасуына мүмкіндік береді. Біздің жетістіктерімізді көрсетіп, әлемдік көшбасшылардың озық тәжірибесін қабыл алыңыз. Форумға Германия, Польша, Ресей, Қырғызстан, Өзбекстан, Украина, Грузиядан келген оториноларингология саласындағы үздік мамандар жиналған»,- деді профессор .
Халықаралық форумға қатысушыларды құттықтаған Атырау облысының әкімі Нұрлан Ноғаев халық денсаулығының маңыздылығын атап өтті. «Қазіргі қоғамның құнды байлығы - салауатты ұрпақ.
«Мемлекет басшысының бастамасымен жүзеге асырылған «100 мектеп, 100 аурухана» бағдарламасы әлемдік стандарттарға сәйкес жабдықталған елде жаңа заманауи клиникалар салуға мүмкіндік берді. Сондай-ақ, мамандарды даярлауға үлкен көңіл бөлінеді. Бұл осы саладағы көптеген проблемалық мәселелерді шешуге және халқымызға сапалы медициналық көмек көрсетуге жол ашады. Бұл жұмыс болашақта да жалғасады. Біздің дәрігерлер заманауи ғылыми орталықтарға баруға, қажетті білім алуға және тәжірибе алмасуға мүмкіндік алады. Ал, бүгінгі кездесу бұл саланың дамуына қосымша серпін береді. Сіздердің кәсіби қызметтеріңіз адамдарға осы әлемді тануға және толығымен дамуға мүмкіндік береді», - деді өңір басшысы.
Ресейдің Оториноларингология ғылыми-клиникалық орталығының директоры, профессор Николай Дайхес оториноларингологтар Еуразиялық Ассамблеясының қалай құрылғанын сипаттады.
«2014 жылы біз Мәскеуде осы ассамблеяны құрдық және оның президенті Райс Төлебаевты бірауыздан сайладық. Және біз өзіміздің кәсіби мәселелерімізді ғана емес, жалпыға ортақ қызметтердің ауқымды мәселелерін талқылау міндетін алға қойдық. Бұл заманауи технологиялар жетістіктерімен алмасу. Қоғамдық, азаматтық деңгейде тәжірибе алмасудың маңызы зор. Бұл тек ғылыми-практикалық конференция емес, бұл азаматтық қоғамның диалогы. Дәрігерлер - осындай кездесулерге қанша мемлекеттің қатысқанын ескере отырып, түрлі пікір қалыптастыратын қоғамдық адамдар. Бұл-жиналыстың ерекшелігі », - деп атап өтті Николай Дайхес.
Екі күндік форумда заманауи хирургия бойынша шеберлік-сыныптар өткізіледі. Оталарды жүргізу және науқастарға кеңес беру.
Айта кетейік, форумның аясында есту қабілеті бұзылған Атырау қаласының бес тұрғынына Мәскеудің үздік хирургттері ота жасаған.