Атыраудың орталық көшесінде көлік жанып кетті

АТЫРАУ. ҚазАқпарат - Бүгін күндіз Атырауда орталық көшелердің бірінде «ГАЗель» көлігі өртеніп кетті, деп хабарлайды ҚазАқпарат.

«Азаттық орталық көшесімен келе жатқан борты бар «ГАЗель» көлігі отқа оранды. Машинадан от «Май өндірісі» шағынауданы аумағында шыққан. Бұл уақытта қозғалыс көп болмаған. Жүргізуші көліктен шығып үлгерді. Зардап шеккендер жоқ. Жалынның шығу себебі тергеуден кейін жарияланады», - деп атап өтті Атырау облыстық ІІД-ден.