Атыраудың шетінде қалың қамыс жанып жатыр
АТЫРАУ. ҚазАқпарат –Атырау қаласының өнеркәсіптік аймағынан бірнеше ондаған метр қашықта қамыс жанып жатыр, деп хабарлайды ҚазАқпарат.
Қалың қамыстың неден тұтанғаны белгісіз. Алайда, 20 м/секунд жылдамдықпен соққан жел өртті өршітіп жіберген. Қара түтін жаңа шағынауданның үстімен өтіп жатыр. Төтенше жағдайлар департаментінің хабарлауынша, қамыс өртін тікұшақпен сөндіру жоспарланып отыр.
