Атыраулық футболшылар Қытайдың «Далянь Шиде» командасымен 1:1 есебімен тең түсті
АЛМАТЫ. 17 қаңтар. ҚазАқпарат - Кеше Түркияның Анталия қаласында «Атырау» футбол клубы Қытай Суперлигасында өнер көрсететін Далянь қаласының «Далянь Шиде» командасымен спаррингтік кездесу өткізді.
Черногориялық Миодраг Радулович жаттықтыратын атыраулықтар мен португалиялық Нелу Вингада баптайтын даляндықтар бұл ойында 1:1 есебімен тең түсті. Қытайлық бұл команданың тізгінін 2011 жылы ұстаған Н.Вингада былтырдан бастап «Далянь Шиденің» өз футбол академиясының ойыншыларына арқа сүйеп жүр. Қазіргі таңда рейтингтегі 1058 клубтың арасында 1515-ші орында тұрған «Дальян Шиде» Қытай Суперлигасындағы 16 команданың арасында 14-ші орында келе жатыр.
