Атыраулық парадзюдошылар Түркияда қос алтын және күміс медаль алды
АТЫРАУ. ҚазАқпарат - Атыраулық парадзюдошылар Түркиядағы турнирде қос алтын және күміс медаль жеңіп алды, деп хабарлайды «ҚазАқпарат» ХАА тілшісі.
«Бұл өте беделді халықаралық турнир еді. Бәсеке де ымырасыз болды. Біздің спортшыларымыз - 60 килограмдағы Әнуар Сариев пен 90 килограмға дейінгі салмақта Ғалымжан Махметов жеңімпаз атанды. Ал 73 килограмға дейінгі салмақта өнер көрсеткен Дәулет Теміржан күміс медальды еншіледі», - дейді облыстық дене шынықтыру және спорт басқармасындағылар.
Халықаралық турнирде 9 елден жиналған спортшылар күш сынасты.
