Ауа райына байланысты екі облыста жол жабылды
АСТАНА. KAZINFORM – Ауа райының қолайсыздығына байланысты бүгін, 16 наурыз күні 2 облыста республикалық маңызы бар 2 автожолда көлік қозғалысына шектеу енгізілді. Бұл туралы «ҚазАвтоЖол» хабарлады.
Қарағанды облысында жалпы ұзындығы 165 шақырым 1 автожол. (қар, шектеулі көрініс, көктайғақ, жел)
1. «Қызылорда-Павлодар» Қарағанды қ. - Павлодар обл. шекарасы (қоғамдық және жүк көлік түрлері үшін)
Павлодар облысында жалпы ұзындығы 71 шақырым 1 автожол. (Қарағанды облысында ауа райының нашарлауына байланысты)
1. «Қызылорда-Павлодар» - Қарағанды обл. шекарасы -Шідерту ауылы. (Қоғамдық және жүк көлік түрлері үшін)
Республикалық маңызы бар автожолдарды күтіп ұстауға 246 бірлік техника және 445 жолшы жұмылдырылған.
