Ауа райы: 30 қазанда Қазақстанның басым бөлігінде қар жауады
АСТАНА. ҚазАқпарат - Жексенбі, 30 қазан күні Қазақстанның барлық аумағында ауа райы тұрақсыз болады. Кей жерлер жауын-шашынды болады, елдің солтүстігіне қар жаууы ықтимал. Сондай-ақ бірқатар аймақтарда тұман түсіп, көктайғақ болып, желдің күші секундына 15-20 метрге жетеді, деп хабарлайды ҚазАқпарат «Қазгидромет» РМК ақпараттарына сүйене отырып.
Кәсіпорын өкілдері таратқан мәліметтер бойынша, Маңғыстау, Батыс Қазақстан, Ақтөбе, Солтүстік Қазақстан, күндіз Шығыс Қазақстан облыстарында тұман түсіп, көктайғақ болып, желдің күші секундына 15-20 метрге жетеді.
Алматы, Оңтүстік Қазақстан, Павлодар облыстарының кей жерлерінде тұман түсіп, жел 15-20 м/с дейін күшейеді. Қарағанды облысының кей жерлерінде тұман түсіп, көктайғақ болып, желдің күші секундына 15-20 метрге жетеді.
Жамбыл, Қызылорда облыстарында түнде және Атырау облысында таң ата тұман түседі. Ақмола және Қостанай облыстарының кей жерлерінде тұман түсіп, көктайғақ болады.
