Ауа райы: Алдағы үш күн жауын-шашынды болады
НҰР-СҰЛТАН. ҚазАқпарат – Синоптиктер 7-9 сәуірге арналған ауа райы болжамын жариялады, деп хабарлайды ҚазАқпарат Қазгидрометке сілтеме жасап.
«Алғаш екі күнде Қазақстан аумағының басым бөлігі терең Атлант мұхиты аумағынан келетін циклонның ықпалында болады, соның әсерінен күн күркіреп, көп жауын-шашын түседі, екпінді жел күтіледі, республиканың оңтүстігінде бұршақ жаууы ықтимал. Ал 9 сәуірде бұлттар тарап, жауын-шашын тыйылады және ауа температурасының төмендеуі мүмкін, бұл еуропалық антициклонге байланысты болады», делінген хабарламада.
