Ауа райы: Батыс Қазақстанда ескерту жарияланды
ОРАЛ. ҚазАқпарат - «Қазгидромет» РМК БҚО филиалының мәліметі бойынша 30-31 қазан және 1 қараша күндері өңірдің кей жерлерінде оңтүстік-шығыстан, оңтүстіктен соғатын желдің жылдамдығы секундына 15-20 метрге жетуі ықтимал, деп хабарлайды «ҚазАқпарат» тілшісі.
Оған қоса 1 қарашада желдің екпіні секундына 23 метрге жетуі мүмкін. Облыс орталығы Орал қаласында да осындай ауа райы орын алмақ.
Осыған орай БҚО ТЖ департаменті ескерту жариялады. Тұрғындар арасында төтенше жағдайларға жол бермеу, өмірлік маңызы зор нысандар мен электр, байланыс желілерінің үздіксіз жұмысын қамтамасыз ету мақсатында тиісті шаралар қолға алынуда.
