АУА РАЙЫ: Бейсенбіде Жамбыл, Қарағанды облыстарында бұршақ жауады
АСТАНА. ҚазАқпарат - 23 маусымда Қазақстан аймақтарының басым бөлігінде атмосфералық фронтальды бөліктердің өтуіне байланысты жаңбыр жауады, найзағай болады, жел күшейеді, бұршақ болуы ықтимал, деп хабарлайды Қазгидромет.
Қостанай, Солтүстік Қазақстан, Павлодар, Жамбыл, Қарағанды, түнде Оңтүстік Қазақстан , күндіз Ақмола, Шығыс Қазақстан облыстарының кей жерлерінде жел 15-20 м/с күшеюі күтіледі.
Жамбыл, Қарағанды облыстарында бұршақ болуы ықтимал. Атырау облысының кей жерлерінде өте жоғары өрт қауіпі сақталады.
