АУА РАЙЫ: Бүгін еліміздің көптеген өңірлерінде жаңбырлы болады

АСТАНА. ҚазАқпарат - 27 тамызда атмосфералық фронттардың өтуіне байланысты көптеген облыстарда жаңбыр жауып, найзағай ойнайды, жел күшейеді. Түнде және таңертең республиканың солтүстігінің, орталығының және шығысының кей жерлерінде тұман күтіледі.

Павлодар облысында, күндіз Оңтүстік Қазақстан облысының кей жерлерінде жел 15-20 м/с күшейеді. Түнде және таңертең Солтүстік Қазақстан облысының кей жерлерінде тұман түседі. Ақмола және Қарағанды облыстарының кей жерлерінде тұман болады, желдің күші 15-20 м/с жетеді.

Қостанай облысының кей жерлерінде тұман болады, жел 15-20 м/с күшейеді. Шығыс Қазақстан облысының кей жерлерінде жел 15-20 м/с күшейіп, түнде және таңертең кей жерлерінде тұман күтіледі. Ақмола, Қостанай, Солтүстік Қазақстан және Қарағанды облыстарының кей жерлерінде түнде 1-3 градус үсік жүреді. Ақтөбе, Қызылорда облыстарында, Оңтүстік Қазақстан, Жамбыл, Қарағанды, Атырау, Батыс Қазақстан, Қостанай облыстарының кей жерлерінде өрт қаупі сақталады, деп хабарлайды «Қазгидромет» РМК.