Ауа райы: Бүгін еліміздің солтүстігі мен оңтүстік-шығысында жаңбыр жауады

АСТАНА. ҚазАқпарат - 25 шілде күні Қазақстанның солтүстік, шығыс, оңтүстік-шығыс және орталығында тұрақсыз ауа райы сақталады, кей жерлерде өткінші жаңбыр жауып, найзағай болады, деп хабарлайды «Қазгидромет».

Еліміздің шығысының кей жерлерінде қатты жаңбыр жауады, жел күшейеді, қалған территорияларында жауын-шашынсыз болады. Солтүстігінде кей жерлерде тұман күтіледі. Ақмола, Павлодар, Қарағанды, күндіз Жамбыл, Шығыс Қазақстан облыстарының кей жерлерінде жел 15-20 м/с күшейеді. Солтүстік Қазақстан облысында түнде және таңертең кей жерлерінде тұман күтіледі. Күндіз Жамбыл, Атырау, Шығыс Қазақстан облыстарында, Алматы, Маңғыстау, Ақтөбе, Қарағанды облыстарының кей жерлерінде қатты ыстық күтіледі. Қызылорда, Жамбыл, Оңтүстік Қазақстан, облыстарының басым бөлігінде, Алматы, Қарағанды, Шығыс Қазақстан облыстарының кей жерлерінде өте жоғары өрт қаупі сақталады.