АУА РАЙЫ: Бүгін Қазақстанның солтүстігінде, шығысында және орталығында жауын-шашын сақталады

АСТАНА. ҚазАқпарат - Бүгін атмосфералық фронтальды бөліктердің өтуіне байланысты республиканың солтүстігінде, шығысында және орталығында жаңбыр, найзағай сақталады, қалған аймақтарында ауа райы жауын-шашынсыз болады. Республикамыздың кей жерлерінде жел күшейеді, күндіз бұршақ жаууы ықтимал.

Бұл туралы ҚР ІІМ ТЖК баспасөз қызметі хабарлады.

Қостанай облысының кей жерлерінде желдің жылдамдығы 15-20 м/с-ға дейін жетеді, бұршақ жаууы ықтимал.

Солтүстік Қазақстан, Павлодар, Қарағанды, Шығыс Қазақстан облыстарының кей жерлерінде желдің жылдамдығы 15-20 м/с-ға дейін күшейеді, күндіз кей жерлерде  бұршақ жаууы ықтимал. 

Ақмола облысының кей жерлерінде желдің жылдамдығы 15-20 м/с-ға дейін күшейеді.

Күндіз Маңғыстау облысының  кей жерлерінде желдің жылдамдығы 15-20 м/с-ға дейін күшеюі күтіледі, шаңды дауыл болады.     

Маңғыстау облысында, Қызылорда облысының кей жерлерінде қатты ыстық күтіледі.

Атырау, Қызылорда  облыстарының  кей жерлерінде  өте жоғары өрт қауіпі сақталады.