Ауа райының қолайсыздығына байланысты Астанадан шығатын барлық жолдар жабылды

АСТАНА. 8 ақпан. ҚазАқпарат - Ауа райының қолайсыздығына байланысты Астанадан және жақын маңдағы қалалардан шығатын барлық жолдар жабылды,

деп хабарлады Төтенше жағдайлар министрлігінің баспасөз қызметінен.

8 ақпанға қараған түні Астана-Көкшетау жолында барлық көлік құралдарының қозғалысы шектелді. Сондай-ақ Бурабай-Астана, Жезқазған-Петропавл, Қарағанды-Жезқазған жолдарында да көлік қозғалысына жабылды.