Ауа райының жылы болуы егістіктегі жер құнарлылығына оң әсерін тигізуде
АСТАНА. ҚазАқпарат - Павлодар облысында ауа райының жылуы егістіктегі жер құнарлылығына оң әсерін тигізуде. Бұл туралы облыстық ауыл шаруашылығының механизация және өсімдік шаруашылығы бөлімінің басшысы Байболат Рахымжанов мәлім етті, деп хабарлайды pavlodarnews.kz.
«Ауа температурасының жылуы салдарынан қар берік ұсталып тұр, енді оны жел басқа жаққа аударып әкетпейді. "Қазгидрометтің" мәліметінше, ақпан айында қалың қар жаумайды», - деді Байболат Рахымжанов.
Сондай-ақ, бөлім басшысының айтуынша, қар жамылғысының биіктігі таза жерлерде - 20 см, ықтырмалы жерлерде 44 см. Дестелегіш қолданылған аймақтарда - 46 см. Қаңтар басындағы көрсеткішпен салыстырғанда қазір қардың биіктігі едәуір жоғары.
