Ауған балаларына полиомиелитке қарсы екпе жұмыстары басталды
АСТАНА. ҚазАқпарат - Ауғанстан астанасы Кабулде балаларды полиомиелитке қарсы вакциналау жұмыстары басталды.
Бұдан бұрын қалада үш жасар балада осы індет анықталған болатын.
10 жыл бұрын тәлібтер режімінің құлағаннан бері бұл аталған дерттің анықталуы бойынша алғашқы оқиға болып отыр.
Пәкістан және Нигерия секілді елдердегі исламдық экстремистер балаларға екпелер жасауға тыйым салуда. Олардың медицина қызметкерлерін қорқытып, шабуылдар жасау фактілері жиі орын алып отыр.
