Ауғанстанда Брюс Лидің «егізі» өмір сүреді - ВИДЕО

АСТАНА. ҚазАқпарат - Ауғанстанның 20 жастағы тұрғыны Аббас Ализада өзінің Брюс Лиге қатты ұқсастығымен әлемге танылды, деп жазады шетелдік БАҚ.

Бір қызығы оның тек түрі ғана ұқсас емес, Кунг-фу өнеріне деген махаббаты да ұлы спортшыға жақындата түседі. Осы уақытқа дейін Брюс Лидің видеоларын қарай жүріп ол нунчак иіруді шебер меңгеріп алған.

Жас спортшы болашақта Голливудтың жұлдызы болғысы келетінін жасырмайды. Сондай-ақ, ауғанстандық Брюс Ли атанғысы келетінін де айтып қалды.