Ауғанстанда жарылыс болды: 12 адам қаза тапты, 26-сы жарақаттанды
КАБУЛ. Тамыздың 3-і. ҚазАқпарат - Фугастық жарылыстың салдарынан Ауғанстанның Герат қаласында 12 адам қаза тапты, 26-сы жарақаттанды,
деп хабарлайды ҚазАқпарат Полит.ру сайтына сілтеме жасап.
Жарылғыш құрылғы елдің батысындағы Герат қаласында полицейлер айдауылының жолында іске қосылған.
Опат болғандардың ішінде бір әйел мен бала, екі тәртіп сақшысы болған. Жергілікті полицияның бастығы ауыр жарақат алды.
