Ауғанстандағы президент сайлауында бұрынғы сыртқы істер министрі көш бастап тұр

АСТАНА. ҚазАқпарат - Ауғанстандағы президент сайлауында бұрынғы сыртқы істер министрі Абдулла Абдулла көш бастап тұр, деп жазады РБК.

Ауғанстанның тәуелсіз сайлау комиссиясының таратқан мәліметінде Абдулла 44,4 пайыз дауыс жинаған екен. Одан кейін бұрынғы қаржы министрі Ашраф Гани Ахмадзай тұр, оның үлесінде 33,2 пайыз дауыс бар. Қазіргі кезде 34 провинциядан берілген дауыстың тек 50 пайызы ғана есептеліп отыр. Ал сайлау нәтижесі 14 мамыр күні жарияланбақ .