Ауыл шаруашылығы жәрмеңкелерінде мың тоннадан астам өнім сатылды
АСТАНА. KAZINFORM — Елордада 19 қыркүйекте басталған дәстүрлі ауыл шаруашылығы жәрмеңкелерінің маусымы өтіп жатыр. Оған еліміздің өңірлерінен келген шаруалар өз өнімдерін ұсынды. Бұл туралы Астана қаласының әкімдігі мәлім етті.
Әкімдіктің мәліметінше, маусым басталғалы жәрмеңкелерге Атырау, Қызылорда, Абай, Маңғыстау, Алматы, Шығыс Қазақстан және Ақтөбе облыстарының өкілдері қатысқан.
Осы уақыт ішінде жәрмеңкелерге шамамен 150 мың адам келді. Мың тоннадан астам ауыл шаруашылығы және азық-түлік өнімі, оның ішінде ет, сүт өнімдері және басқа да азық-түлік тауарлары сатылды.
Айта кетейік, осы демалыс күндері елордада Шығыс Қазақстан және Ақтөбе облыстарының шаруалары өз өнімдерін ұсынады.
