«Ауруханалар коронавирус жұқтырған балаларға 3,5 мың кереует сатып алуда» - фейк
НҰР-СҰЛТАН. ҚазАқпарат - Әлеуметтік желіде коронавирустың «омикрон» штамын жұқтырған науқастар үшін Қазақстан ауруханалары 3500 балалар кереуетін сатып алып жатқаны жазылуда, деп хабарлайды ҚазАқпарат.
Stopfake.kz сайты ҚР Денсаулық сақтау министрлігіне сілтеме жасап жазуынша, бұл мәлімет шындыққа жанаспайды.
«Бұл – жалған ақпарат. Бүгінгі таңда COVID-19 жұқтырған балаларға арналған төсек-орынмен қамту 23% құрайды, бұл ҚР бойынша орташа көрсеткіш», – деді ведомстводан.
Демек, науқастанған балалар саны арту ықтималдығына байланысты ауруханаларда төсек-орын қоры 3500 бірлікке ұлғайтылады деген хабарламалар – фейк.
