Australian Open-2023: Елена Рыбакина үшінші айналымға шықты

None
None
АСТАНА. ҚазАқпарат – Қазақстанның бірінші, әлемнің 25-ракеткасы Елена Рыбакина Аустралия ашық чемпионатының үшінші айналымына шықты, деп хабарлайды ҚазАқпарат тілшісі.

Қазақстандық теннисші «Үлкен дулыға» турнирінің екінші айналымында дүниежүзілік рейтингте 104-орында тұрған словениялық Кайя Йуванмен кездесті.

Бірінші партияда қазақстандық спортшы өз шеберлігінің әлдеқайда басым екендігін көрсетті – 6:2. Екінші сетте де бірден алға кетіп, қарсыласына еш мүмкіндік берген жоқ – 6:1.

Бәсеке барысында Елена 5 эйс жасап, 8 брейк-пойнттың тең жартысын пайдаланды.

Е.Рыбакина төртінші айналымға шығу үшін әлемнің 11-ракеткасы, америкалық Даниэль Коллинз немесе рейтингте 133-сатыдағы чехиялық Каролина Мухованың біреуімен таласады. Е.Рыбакина жуырда Д.Коллинзді Аделаидада 5:7, 6:2, 6:3 есебімен ұтқан еді.

Еске сала кетейік, бұдан бұрын Аустралия ашық чемпионатында Юлия Путинцеваның екінші айналымға шыққанын жазған едік.


Фото: ktf.kz

Соңғы жаңалықтар