Australian Open турнирiнiң бас жүлдесi Станислас Вавринкаға бұйырды
АСТАНА. 27 қаңтар. ҚазАқпарат - Швейцариялық Станислас Вавринка теннистен Австралия ашық чемпионатының жеңiмпазы атанды.
Мельбурн қаласында өткен финалдық кездесуде ол әлемнiң бiрiншi ракеткасы Рафаэль Надальдi 6:3, 6:2, 3:6, 6:3 есебiмен қапыда қалдырды. Вавринка үшiн бұл оның "Үлкен дулыға" сериясындағы алғашқы iрi жеңiсi. Айта кету керек, әлемнiң сегiзiншi ракеткасы С.Вавринка бұның алдында Надальмен 12 рет кездесу өткiзген, бiрақ швейцариялық теннисшi Р.Надальдан бiрде-бiр сет ұтып көрмеген болатын.
