«Ауыл» Мәжіліс сайлауына түсетін кандидаттарының құжаттарын ОСК-ға тапсырды

АСТАНА. ҚазАқпарат – «Ауыл» партиясы Парламент Мәжілісі сайлауына бір мандатты округтер бойынша түсетін кандидаттарының құжаттарын Орталық сайлау комиссиясына тапсырды. Бұл туралы ҚазАқпарат «Ауыл» ХДПП баспасөз қызметіне сілтеме жасап хабарлайды.

Партияның кезектен тыс ХХІІ съезінде Мәжіліс сайлауына бір мандатты округтер бойынша түсетін 9 үміткер ұсынылды. Бәрі нақты сектордан, негізінен ауыл шаруашылығы өндірісінен шыққан.

Бұған дейін хабарланғанындай, Орталық сайлау комиссиясына 4 саяси партия құжаттарын ұсынды. Сондай-ақ, бүгін Respublica және Amanat партиялары 19 наурызда өтетін кезектен тыс Мәжіліс және мәслихаттар депутаттары сайлауына қатысты құжаттарды Орталық сайлау комиссиясына өткізді.

Фото: auyl.kz