«Ауыл» партиясынан депутаттыққа кандидаттар Жамбыл облысы жастарымен кездесті
ТАРАЗ. ҚазАқпарат – Бүгін, 18 желтоқсанда Тараз қаласында «Ауыл» партиясынан депутаттыққа ұсынылған кандидаттар Жамбыл облысында жастармен кездесті, деп хабарлайды ҚазАқпарат аталмыш саяси ұйымның баспасөз қызметіне сілтеме жасап.
Іс-шараға Парламент Мәжілісінің депутаттығына кандидаттар Қарлығаш Аралбекова мен Нұржігіт Бегалы қатысты.
Партияның сайлауалды бағдарламасында жастар мәселесі де көтерілген. Мәселен, жас отбасыларға тұрғын үй алуға және тұрғын үй жағдайын жақсартуға, ал ауылға көшіп барғандарға тұрғын үй алуға, үй шаруашылығын қалыптастыруға және ауылда бизнес ашуға пайызсыз несие беру жайы қарастырылып отыр.
Кездесу соңында жастар өз сауалдарын қойып, жан-жақты жауап алмасты.
