«Ауыл шаруашылығын қаржылай қолдау қоры" АҚ басқарма төрайымының орынбасары сайланды
АСТАНА. 6 маусым. ҚазАқпарат - "Ауыл шаруашылығын қаржылай қолдау қоры" АҚ директорлар кеңесінің шешімімен Сарыбаев Нармұхан Қалмаханұлы қоғамның басқарма төрайымының орынбасары болып сайланды.
Бұл туралы акционерлік қоғамның баспасөз қызметінен мәлім етті.
Н.Сарыбаев - мамандығы бойынша халықаралық экономикалық қарым-қатынастар жөніндегі экономист. Чарлстоун (АҚШ), Хайфа (Израиль), Анқара (Түркия) қалаларында өткен инновациялық саясат, инвестицияларды тарту, ауыл шаруашылығы саласындағы инвестжобаларды жүзеге асыру тақырыбындағы курстарды тәмәмдаған.
Коммерциялық құрылымдарда жұмыс істеген, "Агро-Трейд Со" ЖШС, "Мақта компаниясы" ЖШС, "Оңтүстік" арнайы экономикалық аймақ дирекциясы" ММ-де басқарушы қызметтерін атқарды.
2009 жылдан "ҚазАгро" Ұлттық басқарушы холдингі" АҚ несиелеу департаментінің директоры болып жұмыс істеді.
