Ауыр атлетика: Азия чемпионатының үшінші күні қазақстандықтар үшін табысты болды
АСТАНА. ҚазАқпарат - Непал елінің Катманду қаласында ауыр атлетикадан жастар мен жасөспірімдер арасындағы Азия чемпионаты өтуде.
Жарыстың үшінші күні спортшыларымыз үшін өте табысты болды, деп хабарлайды dodasport.kz .
«Б» тобында сайысқа түскен Құмарбекова Гүлжан жасөспірімдер арасында 75 келіде 206 (87+119) келіні бағындырып, қола жүлдегер атанды. Аса ауыр салмақта сынға түскен Айзада Муптильда 241 (105+136) күміс жүлде иегері атанды.
77 келі салмақта жасөспірімдер арасында 296 (136+160) келіні көтерген Асылжан Бектай қола жүлде еншіледі. Ал 20 жасқа дейінгі жастар арасында Дмитрий Макеев 320 (140+180) келімен екінші орынға жайғасты.
