Австралия ашық чемпионаты: Федерер мен Джокович жартылай финалда кездесетін болды
АСТАНА. ҚазАқпарат - Бүгін Австралия ашық чемпионатының ширек финалдық бәсекесінде әлемнің мықты тенисшісі швейцариялық Роджер Федерер чехиялық Томаш Бердыхпен кездесіп, 7:6, 6:2, 6:4 есебімен жеңіске жетті.
Одан кейін сербиялық Новак Джокович пен жапониялық Кей Нишикори арасындағы ойында 6:3, 6:2, 6:4 есебі тіркелді. Әлемнің бірінші ракеткасы Новак қарсыласының қандай да бір ұтымды тәсіл қолдануына мүмкіндік бермеді.
Енді 28 қаңтар күні жартылай финалда Роджер Федерер мен Новак Джокович кездесетін болды.
