Австралия солтүстікке қарай «жылжып» барады
АСТАНА. ҚазАқпарат - Тектоникалық жылжулардың салдарынан Австралия құрлығы солтүстікке қарай 1,5 метрге жылжыды. Бұл өзгеріс соңғы 22 жылдың ішінде болған, деп хабарлайды австралиялық ғалымдарға сүйенген ScienceAlert.
Бұл қорытынды GPS-өлшемдер негізінде жасалды. Осыған байланысты Австралия ғалымдары құрлықтың географиялық нүктелерінің ресми координаттарына өзгеріс енгізуге әзір, деп жазады 24.kz.
Австралия құрлығы - ғаламшардағы ең жылдам материктердің бірі, ол солтүстікке және аздап батысқа қарай жылына 7 сантиметрге жылжып отырады. Бұл қозғалыс салдарынан сол маңдағы жер сілкінуі мүмкін, деп хабарлайды ABC арнасы.
