Австралияда 70 тонна контрабандалық табак тәркіленді

АСТАНА. ҚазАқпарат - Австралиялық кеден қызметі жалпы салмағы 70 тоннаны құрайтын контрабандалық табактың (ел тарихындағы ең ірі партия) тәркіленгені туралы хабарлады. Тартып алынған тауар шамамен 30 млн долларға бағаланды, деп жазады Би-би-си.

Кеден қызметінің бағалауынша, тәркіленген табактан шамамен жарты миллион қорап темекі өндіруге болады.

Партия ағымдағы жылдың маусымында тәркіленді. Ол Индонезиядан үш кемемен тасымалданған.

Әлемдегі ең қымбат темекі құны Австралияда тіркелген, Marlboro-ның бір қорабы шамамен 20 АҚШ доллары тұрады. Ал Индонезияда оның құны - бір доллар.

Осы аптада Мельбурнде шамамен 6 млн қорап контрабандалық темекі тәркіленді, ал маусым айында билік БАӘ-ден елге заңсыз енгізілген 10 тонна табак өнімін анықтады.