Австралияда «Toyotа» көліктерінің өндірісі тоқтамақ
АСТАНА. ҚазАқпарат - «Toyotа» компаниясы 2017 жылдың соңына қарай Австралияда автокөлік пен қозғалтқыштар өндірісін доғаруды жоспарлап отыр. Бұл өз кезегінде осы елде мыңдаған жұмыс орындарының жабылуына алып келеді.
Автокөлік саласындағы жапондық алпауыт компания өндірістің жабылуы мығым австралиялық долларға, үлкен шығындарға және нарықтағы жоғары бәсекелестікке байланысты деп түсіндірді. Елдің Премьер-Министрі Тони Эбботт компания өкілдерін осы шешімдерін өзгертуге шақырды. Жапондық компания осы елден кеткен жағдайда Австралияда автокөлік өндірілмеуі мүмкін. Өткен жылы америкалық «General Motors» және «Ford» компаниялары осы елде көлік өндірісін тоқтату жоспары жайында жариялаған болатын.
