Австралияда жаңа банкноталарды автоматтар қабылдамай жатыр
АСТАНА. ҚазАқпарат - Австралияда таяуда қолданысқа енгізілген 5 долларлық жаңа ақшаны тамақ және сусын сататын автоматтар қабылдамай қойды, дп хабарлайды Хабар 24 телеарнасы.
Вендинг машиналары (vending) бұл банкнотаның ортасындағы мөлдір тұсты оқи алмайды. «Автоматтың ақшаны танып-білетін бөлігі 5 долларлық банкнотаның мөлдір тұсын «ақшаның шеті екен» деп қалады да, қабылдамастан кері қайтарып береді», - дейді вендинг бірлестігінің президенті.
Енді осыған байланысты бүкіл ел бойынша шамамен 100 мыңға жуық автоматтың ішкі бағдарламасын өзгерту керек. Бұл үшін кәсіпкерлер $20 млн жұмсауы тиіс, деп хабарлайды The Daily Telegraph.
